ഫോർട്ടുകൊച്ചി: ചെല്ലാനം ഗ്രാമ പഞ്ചായത്തിൽ ഫിഷറീസ് ഹാർബർ മുതൽ പുത്തൻതോട് റീത്താലയം വരെ കടൽ ഭിത്തി നിർമാണത്തിനായി തയാറാക്കിയ താത്കാലികവഴി സ്ഥിര റോഡാക്കി മാറ്റണമെന്ന ആവശ്യത്തിൽ ജനങ്ങൾ ഒറ്റക്കെട്ട്. ഈ ആവശ്യമുന്നയിച്ച് കാർഷിക – ടൂറിസം വികസന സൊസൈറ്റി സംഘടിപ്പിച്ച ജനകീയ വികസന ചർച്ചാ സമ്മേളനത്തിലാണ് ഒരേ സ്വരം ഉയർന്നത്. മറുവക്കാട് കർമലാശ്രമത്തിൽ നടന്ന സമ്മേളനം ഫാ. വർഗീസ് ചെറുതീയിൽ ഉദ്ഘാടനം ചെയ്തു. സൊസൈറ്റി പ്രസിഡന്റ് അഡ്വ. കെ.എക്സ്. ജൂലപ്പൻ അധ്യക്ഷത വഹിച്ചു. ഫാ. ജെയിംസ് പുന്നക്കൽ വിഷയാവതരണം നടത്തി.
തുടർന്ന് ഫാ. സോളമൻ ചാരങ്കാട്ട്, ഫാ. ആന്റണിറ്റോ പോൾ, ഫാ. ജോസഫ് നടുവിലപറമ്പിൽ, സൊസൈറ്റി സെക്രട്ടറി എം.എൻ. രവികുമാർ, വിവിധ സമുദായ സംഘടനാ നേതാക്കളായ കുഞ്ഞുമോൾ വർഗീസ്, ആനി ജോസഫ്, എം.ആർ. അശോകൻ, എ. ആർ. ആന്റണി, എ.എക്സ്. ആന്റണി, സി.കെ. ദിലീപ് കുമാർ, ആന്റണി ഷീലൻ, വി.ടി. സെബാസ്റ്റിൻ, ജോർജ് കാളിപ്പറമ്പിൽ, കെ.ഡി. ജോൺസൺ, പി.എൻ. രവീന്ദ്രൻ, കെ.വി. ജോൺസൺ, ജോയി കാക്കത്തറ തുടങ്ങിയവർ സംസാരിച്ചു.
റോഡ് നിർമാണം നേടിയെടുക്കും വരെ ജനകീയ മുന്നേറ്റങ്ങൾക്ക് നേതൃത്വം കൊടുക്കുന്നതിന് ചെല്ലാനം കടലോര റോഡ് നിർമാണ ആക്ഷൻ കൗൺസിലിന് രൂപം നൽകി.
