ഫോർട്ടുകൊച്ചി: സഹകരണ മേഖലയെ തകർക്കുന്ന അശാസ്ത്രീയ സഹകരണ സംഘം ക്ലാസിഫിക്കേഷൻ പരിഷ്കരണം മാറ്റിവെയ്ക്കണമെന്നാവശ്യപ്പെട്ട് കോ ഓപ്പറേറ്റീവ് എംപ്ലോയീസ് ഫ്രണ്ടിന്റെ നേതൃത്വത്തിൽ കൊച്ചി അസിസ്റ്റന്റ് രജിസ്ട്രാർ ഓഫീസിലേക്ക് മാർച്ച് നടത്തി. സംസ്ഥാന പ്രസിഡന്റ് ബിനു കാവുങ്കൽ ഉദ്ഘാടനം ചെയ്തു.
ജീവനക്കാരുടെ ക്ഷാമബത്ത തടഞ്ഞുവച്ച രജിസ്ട്രാറുടെ നടപടി റദ്ദാക്കണമെന്നും ആവശ്യപ്പെട്ടു. താലുക്ക് പ്രസിഡന്റ് എസ്. സജീർ അധ്യക്ഷത വഹിച്ചു. സിയാദ്, ശ്രീജ കെ. മേനോൻ, പി.ജെ. ഫ്രാൻസിസ്, ഗോഡ്വിൻ സെക്വിര, മേരി, കെ.ജെ. റോബർട്ട്, സുജിത്, ജിബിൻ, ജ്യോതി പ്രകാശ്, ആന്റണി സാജു എന്നിവർ പ്രസംഗിച്ചു.
