ഫോർട്ടുകൊച്ചി: കേരള ലേബർ മൂവ്മെന്റ് കൊച്ചിയുടെ നേതൃത്വത്തിൽ സ്വയംതൊഴിൽ സംരംഭത്തിന്റെ ഭാഗമായി സ്ത്രീ തൊഴിലാളികൾക്ക് 15 മോട്ടോറൈസ്ഡ് തയ്യൽ മെഷീനുകൾ വിതരണം ചെയ്തു. തോപ്പുംപടി സെന്റ് ജോസഫ്സ് കാത്തലിക്ക് സെന്ററിൽ കൂടിയ കൊച്ചി രൂപത തയ്യൽ തൊഴിലാളി സംഘമത്തിൽ കെഎൽഎം ഡയറക്ടർ ഫാ. പ്രസാദ് ജോസഫ് കണ്ടത്തിപ്പറമ്പിൽ ഉദ്ഘാടനകർമം നിർവഹിച്ചു. കെഎൽഎം സംസ്ഥാന ജനറൽ സെക്രട്ടറി ഡിക്സൻ മനീക്ക്, സംസ്ഥാന വനിതാ ഫോറം പ്രസിഡന്റ് ബെറ്റ്സി ബ്ലെയ്സ്, എസ്എൻറ്റിയു സംസ്ഥാന പ്രസിഡന്റ് തോമസ് കുരിശിങ്കൽ, രൂപതാ പ്രസിഡന്റ് ആൽബി ഗോൺസാൽവിസ്, ജനറൽ സെക്രട്ടറി റോണി റിബല്ലോ, വനിത ഫോറം രൂപത പ്രസിഡന്റ് ശോഭ ആന്റണി എന്നിവർ പ്രസംഗിച്ചു.

