ഫോർട്ടുകൊച്ചി: ലഹരിക്കെതിരെ 12 വീട്ടമ്മമാര് നയിക്കുന്ന ലഹരി വിരുദ്ധ സന്ദേശ സൈക്കിള് റാലിക്ക് ഫോര്ട്ടുകൊച്ചിയില് തുടക്കം. ഷീ സൈക്കിളിംഗിന്റെ നേതൃത്വത്തില് നടത്തുന്ന സന്ദേശ റാലി അഞ്ച് ജില്ലകള് സഞ്ചരിച്ച് 230 കിലോമീറ്റര് താണ്ടി എട്ടിന് തിരുവനന്തപുരത്ത് സമാപിക്കും. യാത്രയില് 14 സ്കൂളുകള്,നാലു കോളജുകള് എന്നിവിടങ്ങളില് ബോധവല്ക്കരണം നടത്തും.റാലി ജസ്റ്റിസ് ശോഭാ അന്നമ്മ ഈപ്പന് ഫ്ളാഗ് ഓഫ് ചെയ്തു.
റാലിയുടെ ഉദ്ഘാടനം കെ.ജെ. മാക്സി എംഎല്എ നിര്വഹിച്ചു. ഡോ.ബിജു രമേശ് അധ്യക്ഷത വഹിച്ചു. കൗണ്സിലര്മാരായ ആന്റണി കുരീത്തറ, ഷീബാ ലാല്, കെ.എ മനാഫ്, സ്പോര്ട്സ് കൗണ്സില് ജില്ലാ പ്രസിഡന്റ് ഡോ. ജെ. ജേക്കബ്,ഗായകന് അഫ്സല്, ലാലു ജോസഫ്, പ്രകാശ്.പി ഗോപിനാഥ്, ജെ.എസ്. ഗോപിനാഥ്, ബി.ബാലചന്ദ്രന്, എസ്.മുജീബ്, അജയകുമാര് എന്നിവര് പ്രസംഗിച്ചു.
